साउदीमा खारेज भयो कोरा हान्ने सजाय

न्यूज ब्यूरो, एजेन्सी । साउदी अरबमा कोरा हान्ने ‘छडीले हिर्काउने’ सजायलाई त्यहाँको सर्वोच्च अदालतले खारेज गरेको छ ।

साउदी अदालतले कोरा हान्ने सजाय खारेज गर्दै सो सजायको विकल्पमा जेल सजाय अथवा जरिवाना तिराउन आदेश गरेको छ । मुस्लिम राष्ट्र साउदी अरबमा सार्वजनिक स्थलमा विभिन्न घटनामा दोषीलाई कोराले हिर्काउने चलन छ । यस सजाय महिलामा पनि लागू छ ।

मानव अधिकारवादीहरुले कोराले हिर्काउने सजायले मानवअधिकारको उल्लंघन गरेको बताउँदै आएका थिए । कोरा हान्ने सजाय खारेज गरिनुलाई साउदीका राजा सलमान र उनका छोरा राजकुमार मोहम्मद बिन सलमानको सुधारको कार्यक्रमको रुपमा हेरिएको छ ।