पहिले झैँ अवस्थामा फर्कियो वुहान सहर

न्यूज ब्यूरो, एजेन्सी । कोरोना भाइरसको उद्गमस्थल हो, चीनको वुहान सहर ।

चीनको हुबेई प्रान्तमा पर्ने यो सहर कोरोना भाइरसका कारण साढे दुई महिना बन्धक बन्यो । ७६ दिनको लकडाउन दुई साताअघि सकिएपछि वुहान सहर खुल्न थालेको हो ।

चाइना डेलीका अनुसार अहिले यो सहरमा जनजीवन सामान्य भइसकेको छ । चीनले वुहानलाई कोरोना भाइरसको कम जोखिमयुक्त क्षेत्र घोषणा गरेको छ ।

वुहान सहर पुरानै दैनिकीमा फर्किन थालेको छ । हाइस्पिड ट्रेन, मेट्रो ट्रेन, सार्वजनिक यातायात, रेस्टुरेन्ट, होटेल र उद्योग आदि खुला भएका छन् । अहिले वुहान सहरमा व्यस्तता छाएको छ । ट्राफिक जाम हुन थालेको छ ।

गएको शनिबार वुहान जाल क्लबका खेलाडीले मैदानमा अभ्यास गरेका छन् । पछिल्ला दुई सातामा त्यहाँ नयाँ संक्रमण देखिएको छैन ।