आजको मौसम पूर्वानुमान यस्तो

न्यूज ब्यूरो, काठमाडौं । देशका धेरै स्थानमा आज पनि मेघगर्जन, चट्याङ, असिना र हावाहुरीसहित वर्षा हुने सम्भावना रहेको मौसम पूर्वानुमान महाशाखाले जनाएको छ ।

बुधबार बिहान ६ बजे आफ्नो वेबसाइटमार्फत महाशाखाले दिउँसो देशभर आंशिकदेखि सामान्यसम्म मौसम बदली हुने र अपराह्नपछि देशका पहाडी भूभागका धेरै स्थानमा मेघगर्जनरचट्याङरअसिना र हावाहुरीसहित वर्षाको सम्भावना रहेको जानकारी दिएको हो ।

साथै मध्य र पूर्वी तराईका समेत केही ठाउँमा आज चट्याङरहावाहुरीसहित असिना(पानी पर्ने सम्भावना देखिएको छ । त्यसैले होसियारी अपनाउन महाशाखाले सबैमा आग्रह गरेको छ ।

आगामी २४ घण्टाका लागि चेतावनी तथा परामर्श जारी गर्दै देशका पहाडी भूभागका धेरै स्थानहरूमा र मध्य र पूर्वी तराईका थोरै स्थानहरूमा मेघगर्जन, चट्याङ, हावाहुरी, असिना सहित वर्षा हुन सक्ने देखिएकाले सतर्कता अपनाउन हुन अनुरोध गरिएको छ ।

मौसमविद्का अनुसार मध्य र पूर्वी भूभागमा सामान्यदेखि पूर्णसम्म बदली भएको छ भने पश्चिमी भूभागमा मौसम आंशिक बदली भएको छ ।

अहिले नेपालमा स्थानीय वायुका साथै पश्विमी वायुको समेत प्रभाव रहेको मौसमविद्ले बताएका छन् ।