उदयपुरमा कोरोना संक्रमित २४ पुगे, जिल्ला सिल गरियो

न्यूज ब्यूरो, उदयपुर । प्रदेश १ सरकारले पछिल्लो समयमा कोरोना भाइरस संक्रमितको हटस्पट बनेको उदयपुर जिल्लामा सील गर्ने निर्णय गरेको छ ।

प्रदेशको आन्तरिक सुरक्षा मन्त्रालयमा आज बसेको बैठकले उदयपुरलाई सील गर्ने निर्णय गरेको हो । उदयपुरबाहिरबाट कसैलाई पनि भित्र प्रवेश गर्न नदिने र भित्रबाट कसैलाई बाहिर नस्किन नदिने र उदयपुरभित्रै पनि एक स्थानबाट अर्को स्थानमा मानिसलाई जान नदिने निर्णय भएको छ ।

यो समाचार तयार पर्दासम्म उदयपुरमा संक्रमितको संख्या २४ पुगेको छ ।