कोरोनाबाट हालसम्म १ लाख ६५ हजारको मृत्यु, संक्रमित २४ लाख नाघ्यो

न्यूज ब्यूरो, एजेन्सी । कोरोना भाइरस (कोभिड(१९) संक्रमणबाट ज्यान गुमाउनेको संख्या विश्वभर १ लाख ६५ हजार नाघेको छ ।

गएको २४ घन्टामा यसको संक्रमणबाट विश्वभर ४९ सय ५७ जनाको मृत्यु भएको छ । वर्ल्डओमिटरका अनुसार आइतबार कोरोनाका ७५ हजार ६ सय ६९ जना नयाँ संक्रमित थपिएका छन् ।

अहिलेसम्म विश्वभर कोरोनाबाट १ लाख ६५ हजार ४ जनाको मृत्यु भएको छ । संक्रमितको संख्या २४ लाख ६ हजार २ सय ४० पुगेको छ ।

संक्रमितमध्ये अहिलेसम्म ६ लाख २४ हजार ९ सय १४ जना उपचारपछि निको भएर घर फर्किएका छन् ।