विदेशमा कोरोनाबाट मृत्यु हुने नेपालीको संख्या २८ पुग्यो, हजारबढी संक्रमित

न्यूज ब्यूरो, काठमाडौं । कोरोना भाइरस (कोभिड(१९) बाट नेपालबाहिर २८ नेपालीको मृत्यु भएको छ ।

गैरआवासीय नेपाली संघ, उच्चस्तरीय स्वास्थ्य समितिले संकलन गरेको तथ्यांकअनुसार सबैभन्दा बढी बेलायतमा १७ नेपालीले ज्यान गुमाएका छन् ।

विदेशस्थित अस्पतालमा कार्यरत नेपाली चिकित्सक, नेपाली दूतावास, एनआरएनए शाखा तथा स्थानीय संघसंस्थाले उपलब्ध गराएको सूचना आधारमा यो तथ्यांक संकलन गरिएको स्वास्थ्य समितिले जनाएको छ ।

कोरोनाबाट हालसम्म अमेरिकामा ८, युएईमा २, आयरल्यान्डमा १ नेपालीले ज्यान गुमाएको प्रतिवेदनमा उल्लेख गरिएको छ ।