लहान राहत प्रकरण : अख्तियारले थाल्यो छानविन

न्यूज ब्यूरो, सिरहा । सिरहाको लहान नगरपालिकाले वितरण गरेको कुहिएको चामलको विषयमा अख्तियार दुरुपयोग अनुसन्धान आयोगले छानविन थालेको छ ।

नगरपालिकाले लकडाउनबाट प्रभावित गरिब, विपन्न परिवारलाई सडेको चामल बाँडेको तथ्य बाहिर आएपछि अख्तियारले छानविन थालेको हो । अख्तियारको टोलीले नगरपालिकाको केही वडाका गाउँमा बाँडिएको चामलको नमुना संकलन गरेको छ ।

आयोगको बर्दिबासस्थित कार्यालयका उपसचिव मनिराम ज्ञवालीका अनुसार, अनुसन्धानका लागि चामलको नमुनासहित राहत सामग्री खरिदसम्बन्धी कागजातहरू पनि नियन्त्रणमा लिइएको छ ।