लकडाउनमा पनि भारतबाट ल्याउँदै थिए ड्रगस, २ युवक पक्राउ

न्यूज ब्यूरो, सिरहा । विश्वभर महामारीको रुपमा फैलिएको कोरोना भाइरस (कोभिड १९) रोकथामका लागि गरिएको लकडाउनमा पनि भारतबाट ड्रगस ल्याउँदै गर्दा सिरहामा २ जना पक्राउ परेका छन् ।

सिरहाको नवराजपुर गाउँपालिकाको दुई छुट्टाछुट्टै स्थानबाट सशस्त्र प्रहरीले लागूऔषध सहित दुई युवकलाई पक्राउ गरेको हो । पक्राउ पर्नेमा एकजना भारतीय नागरिक र एक नेपाली रहेका छन् ।

सशस्त्र प्रहरी बल नेपाल बोर्डर आउट पोष्ट नवराजपुरबाट खटिएको गस्ती टोलीले नवराजपुर गाउँपालिका ५ कुसण्डीको नेपाल–भारत दश गजा क्षेत्रबाट भारतबाट नेपाल ल्याउँदै गरेका भारतीय नागरिकलाई पक्राउ गरिएको प्रहरीले जनाएको छ ।

दशगजामा चेकजाँच गर्ने क्रममा भरतबाट नेपाल आउँदै गरेको भारत मधुबनी जिल्ला लालमनिया ग्राम पन्चायत ८ को १५ वर्षिय अबदुल हानानको साथबाट लागूऔषध रोस्कोफ डिएस १०० एमएल ७ बोतल सहित प्रहरीले पक्राउ परेको सशस्त्र प्रहरी बल नेपाल नम्बर ७ गुल्म हेडक्वाटर सिरहाका प्रबक्ता तथा डिएसपी प्रेम बहादुर रावलले जानकारी दिए ।

सोही गाउँपालिका ४ पूर्व पश्चिम् हुलाकी राजमार्गको सोनबर्षा नहरनिया सडक खण्डम चेक जाँच गर्ने क्रममा भगवानपुर गाउँ पालिका ४ को १९ वर्षिय राम लक्ष्मण मुखिया पक्राउ परेको छ । पक्राउ परेको मुखियाको साथबाट लागूऔषध डाइलेक्स डिसी १०० एमएल ७ बोतल बरामद भएको छ ।

पक्राउ परेको दुबै जनालाई आवश्यक कारवाही तथा अनुसन्धानको लागि जिल्ला प्रहरी कार्यालय सिरहामा पठाइएको छ ।