भारतबाट फर्केको आशंकामा १३ नेपाली मौलवी नियन्त्रणमा

न्यूज ब्यूरो, पर्सा । कोरोना भाइरसको संक्रमण फैलिएको भनिएको नयाँ दिल्लीस्थित बंगलेवाले मस्जिदको धार्मिक सभामा सहभागी भएको आशंकामा १३ जना मौलवीलाई नियन्त्रणमा लिइएको छ ।

उनीहरूलाई प्रहरीले पर्साको पतेर्वा सुगौली गाउँपालिकाको कंचनपुर टोलबाट नियन्त्रणमा लिएको हो । गाउँमा ओहोरोदोहोर गरेपछि गाउँलेहरूले उनीहरूलाई नियन्त्रणमा लिएर प्रहरीलाई बुझाएका हुन् ।

उनीहरू बंगलेवाले मस्जिदको धार्मिक सभामा सहभागी भएको आशंकामा नियन्त्रणमा लिइएको पर्सा प्रहरी प्रमुख एसपी गंगा पन्तले जानकारी दिइन् । यसरी पक्राउ पर्नेहरूमा रौतहटका ११ र पर्सा जिल्लाका दुई जना मौलवी रहेका छन् ।

हाल उनीहरूलाई वीरगञ्जको महानगरपालिका वाड नम्बर १३ सिद्धार्थ माध्यामिक विद्यालयमा क्वारेन्टाइन राखिएको छ । उनीहरू सबैको स्वास्थ्य परीक्षणको तयरी गरिएको छ ।