विश्वभर कोरोनाबाट ९ लाख संक्रमित, मृतकको संख्या ४७ हजार नाघ्यो

न्यूज ब्यूरो, एजेन्सी । विश्वभर फैलिएको कोरोना भाइरसबाट संक्रमित हुनेको संख्या बु्धबार रातिसम्म ९ लाख नाघेको छ ।

बुधबार रातिसम्म कोरोना संक्रमितको संख्या ९ लाख ३५ हजार ८४० पुगेको हो । यस्तै ४७ हजार २४१ जनाको मृत्यु भएको छ ।

यसैगरी १ लाख ९४ हजार २८६ जना कोरोना भाइरसबाट निको भएको पनि जनाइएको छ । नेपालमा यो भाइरसको संक्रमण हालसम्म ५ जनामा देखिएको छ भने त्यसमा पनि एक जना निको भइसकेका छन् ।