कोरोनाबाट अमेरिकामा एकैदिन हजारभन्दा बढीको मृत्यु

न्यूज ब्यूरो, एजेन्सी । अमेरिकामा कोरोना भाइरसको संक्रमणबाट एकैदिनमा एक हजारभन्दा बढीको मृत्यु भएको छ ।

बुधबार मात्र त्यहाँ १ हजार ४७ जनाको मृत्यु भएको समाचार संस्था रोयटर्सले उल्लेख गरेको छ । योसँगै अमेरिकामा कोरोना भाइरसका कारण ज्यान गुमाउनेको संख्या पाँच हजार एक सय पुगेको छ ।

नयाँ संक्रमण पनि हिजो निकै देखिएको छ । एकैदिन २६ हजार ४३६ मा नयाँ संक्रमण पुष्टि भएसँगै अमेरिकामा संक्रमितको संख्या दुई लाख १४ हजार ९६६ पुगेको छ ।