टिकटकद्धारा भारतलाई एक अर्बको स्वास्थ्य सामग्री प्रदान

न्यूज ब्यूरो, एजेन्सी । विश्व चर्चित मनोरञ्जनात्मक भिडियो सामाजिक सञ्जाल टिकटकले भारतलाई एक अर्ब भारतीय रुपियाँ बराबरको स्वास्थ्य सामग्री प्रदान गरेको छ ।

चीनबाट सञ्चालित टिकटकले कोरोना भाइरस नियन्त्रणमा लागि परेको भारतलाई चार लाख चिकित्सकीय सुट र दुई लाख मास्क प्रदान गरेको इकोनोमिक टाइम्सले जनाएको छ । उक्त स्वास्थ्य सामग्रीहरु सय करोड भारतीय रुपियाँ बराबरको भएको जनाइएको छ ।

भारतमा ११ करोड ९० लाख टिकटक प्रयोगकर्ताहरु छन् । विश्वभर भने ५० करोड टिकटक प्रयोगकर्ता दैनिक अनलाईन हुने जनाइएको छ ।