बाबा रामदेवले दिए कोरोना भाइरसविरुद्ध लड्न ४० करोड

न्यूज ब्यूरो, भारत । भारतमा कोरोना भाइरसको बढ्दो संक्रमणविरुद्ध लड्नका लागि भारतका कयौं उद्योगी व्यवसायी एकताबद्ध भएका छन् ।

यसैक्रममा योगगुरु बाबा रामदेवको पतन्जली आयुर्वेदले भारत सरकारले स्थापना गरेको ‘पीएम केयर फण्ड’ मा २५ करोड भारु (नेपाली ४० करोड) सहयोगको घोषणा गरेको छ ।

बाबा रामदेवले आज भाइरसविरुद्ध लड्नका लागि पतन्जलीले सो सहयोग गर्ने घोषणा गरेका हुन् । यसअघि यो फण्डमा दर्जनौं भारतीय उद्योगपतिहरुले दान दिइसकेका छन् । टाटा समूहले त अन्य उद्योगपतिको तुलनामा निकै धेरै अर्थात १५०० करोड भारु फण्डलाई दिने घोषणा गरिसकेको छ ।

भारतमा हालसम्म २९ जनाको कोरोना भाइरसबाट मृत्यु भइसकेको छ भने यसबाट १ हजार ७१ जना प्रभावित भएका छन् ।