विश्वको २०१ देशमा कोरोना, मृतकको संख्या ३१ हजारनजिक

न्यूज ब्यूरो, एजेन्सी । कोरोना भाइरस (कोभिड १९) का कारण विश्वभरमा ३० हजार ८५१ जनाको मृत्यु भएको छ ।

बीबीसीका अनुसार ६ लाख ६२ हजार ९६७ जना कोरोना संक्रमित छन् । त्यसैगरी अहिलेसम्म १ लाख ४१ हजार ९५३ जना उपचारपछि निको भएका छन् ।

सबैभन्दा बढी इटालीमा १० हजारजनाको मृत्यु भएको छ भने अहिले पनि ९० हजारभन्दा बढी संक्रमित छन् ।

उता, अमेरिकामा कोरोना भाइरसबाट मर्नेको संख्या २ हजार नाघेको छ। सीएनएनका अनुसार शनिबारसम्ममा त्यहाँ २ हजार १० जनाको मृत्यु भएको छ । बिहीबारसम्म यो संख्या १ हजार थियो ।

विश्व स्वास्थ्य संगठनका अनुसार कोरोना भाइरस हालसम्म विश्वको २०१ मुलुकमा फैलिसकेको छ ।