कान्छो मेयरले दलितलाई साडी बाँडे

जनकपुरधाम, २ माघ ।
शहिदनगर नगरपालिकाका मेयर उदय कुमार बरबरियाले दलित महिलाहरुलाई साडी वितरण गरेका छन् ।

नगरपालिका भित्र रहेका दलितहरु मध्ये अति विपन्न तथा पिछडीएका परिवारलाई साडी वितरण गरेका हुन् ।

मँगलबार एक विद्यालयको वार्षिक समारोहमा सरिक भएका कान्छो मेयर बरबरियाले प्रमुख अतिथिको आसनबाट बोल्दै -" विपन्न परिवारलाई सम्पन्नताको बाटोमा ल्याउने पहल हामी थालिसकेका छौँ, निकट भविष्यमै गरिबी निवारणका विभिन्न कार्यक्रमहरु नगरपालिका मार्फत सँचालन गरिने छ ।" -भने ।

नगर भित्रका जनताको पीडा आफनो पीडा जस्तो महसुस गरिरहेको छु, विलम्ब भएपपनि हामी सबैको माझ पुगेर हरेक समस्याको हल बौद्धिक तवरबाट निकाल्ने छौँ, उनले थपे ।

मँचबाट बरबरियाले ५ विपन्न दलित महिलालाई ५ साडी प्रदान गरेका थिए ।

मुलुककै कान्छो मेयर भनेर चिनिने उदयको वर्तमान कार्यगतिलाई स्थानीय बुद्धिजीवी, कलमजीवी तथा केन्द्रसम्म समेत चर्चा बटुलेका हुन् ।