कोरोना संक्रमणबाट स्पेनकी राजकुमारीको मृत्यु

न्यूज ब्यूरो, एजेन्सी । कोरोना भाइरस संक्रमणबाट स्पेनकी राजकुमारी मारिया टेरेसाको मृत्यु भएको छ ।

कोरोना संक्रमणबाट ८६ वर्षीया राजकुमारी टेरेसाको ज्यान गएको शाही परिवारले पुष्टि गरेको छ । उनको मृत्युपछि स्पेनमा राष्ट्रिय शोकको घोषणा गरिएको छ ।

उनको जन्म सन् १९३३ जुलाई २८ मा फ्रान्सको पेरिसमा भएको थियो । स्पेनमा हालसम्म ५ हजार ८ सय १२ जनाको कोरोना संक्रमणका कारण मृत्यु भैसकेको छ भने ७२ हजार २ सय ४८ जनामा संक्रमण भएको पुष्टि भएको छ ।

शनिबार मात्रै स्पेनमा ६ सय ७४ जनाको मृत्यु भएको छ ।