कोरोना प्रभाव : अमेरिकामा एक सातामै ३० लाख बेरोजगार

न्यूज ब्यूरो, एजेन्सी । विश्वकै महाशक्ति राष्ट्र अमेरिकालाई पनि कोरोना संक्रमणले थिलथिलो बनाउन थालेको छ ।

अमेरिकी नागरिकहरु धमाधम बेरोजगार हुन थालेका छन् भने विश्वकै शक्तिशाली मानिने अमेरिकी सेनाको गतिविधि पनि ठप्प हुन थालेको छ । अमेरिकी श्रम विभागका अनुसार कोरोनाका कारण एक सातामै ३० लाख अमेरिकी बेरोजगार भएका छन् ।

उनीहरुले विभागमा बेरोजगार भत्ताका लागि सूचीकृत गराएको बताइन्छ । कोरोना संक्रमणका कारण होटल, रेस्टुरेन्ट, सिनेमा घर, जिम लगायत बन्द भएपछि बेरोजगार हुनेको संख्या एक्कासी बढेको हो ।