भारतको बिहारमा कोरोनाका कारण एकको मृत्यु

न्यूज ब्यूरो, भारत । भारतको बिहारमा कोरोना भाइरस (कोभिड १९) का कारण एकजनाको ज्यान गएको छ ।

बिहारको राजधानी पटनाको एम्स अस्पतालमा कोरोना भाइरसका कारण एकजनाको मृत्यु भएको हो । मृतक कत्तारबाट फर्किएका थिए । उनको मृत्यु शनिबार बिहान भएको थियो ।

पछि उनको रिपोर्टमा कोरोना भाइरस पोजेटिभ देखिएको थियो । उनको किड्नी फेल भएको थियो । यसका साथै भारतमा कोरोनाका कारण मृत्यु हुनेको संख्या ७ पुगेको छ ।

बिहारमा कोरोना संक्रमित अर्का व्यक्ति एनएमसीएचको आइसोलेशन वार्डमा छन् । उनी स्कटल्याण्डबाट फर्किएका थिए ।

आइतबार भन्दा अघि बिहारमा कोरोना भाइरस संक्रमणका कुनै घटना थिएन । यससँगै भारत नेपाल सीमानाकामा विशेष सतर्कता अपनाइएको छ ।