जनकपुरः क्रसर डन 'महतो 'समातिए

न्यूज ब्यूरो, जनकपुरधाम । धनुषाका एक क्रसर डनलाई जिल्ला प्रहरी कार्यालय धनुषाको टोलीले पक्राउ गरेको छ ।

आज दिउँसो करिब १ बजेको समयमा जिल्ला प्रहरी कार्यालय धनुषा, जिल्ला प्रशासन कार्यालय धनुषा, जिल्ला समन्वय समिति र धनुषाको गणेशमान चारनाथ नगरपालिकाको सँयुक्त टोलीले एक क्रसर डनलाई पक्राउ गरेको हो ।

धनुषाको गणेशमान चारनाथ नगरपालिका वडा नं. ६ स्थित सँचालनमा रहेको स्थानीय महादेव महतोको कमला कन्सट्रक्सनका सँचालकलाई पक्राउ गरिएको हो । सँयुक्त टोलीले उनलाई नविकरण नै नगरी सँचालन गरेको भन्दै पक्राउ गरेको हो ।

नियमित रुपमा क्रसर सँचालन गर्दै कर छली गर्दै आएको तथा अवैद्य रुपमा उत्खनन समेत गरेको भन्दै उनलाई पक्राउ गरिएको हो ।

गणेशमान चारनाथ नगरपालिकाले समेत विभिन्न समयमा क्रसर बन्द तथा अधिकारिक बनाउ बारम्बार पत्र काटेपनि अटेरी गर्दै आएको थियो ।

जिल्ला समन्वय समिति धनुषाका उपसभापति दीपक झाले अवैद्य रुपमा क्रसर सँचालन गरेको कारण उनलाई पक्राउ गरिएको बताउनुभएको छ । न्यूज ब्यूरोसँग कुराकानी गर्दै उहाँले अवैद्य रुपमा नदीमा उत्खनन गरेकोले पक्राउ गरिएको बताउनुभयो ।

यसअघि सँचालक महतोले आफुले क्रसर उद्योग बन्द गरिसकेको भनेर प्रशासनसँग झुठो बोल्दै लुकीछिपी सँचालन गर्दै आएको थियो । सरकारको कर छली सहित अवैद्य रुपमा सँचालित भएकोले तत्कालै कारवाही गरिने जनाइएको छ ।

बन्द गरिसकेको क्रसर धनुषाका प्रमुख जिल्ला अधिकारी कोषहरी निरौलको नेतृत्वमा गएको अनुमगन एवम् नीरिक्षण टोलीले क्रसर सँचालीत अवस्थामै रँगेहात पक्राउ परेका हुन् ।

उनलाई पक्राउ गरी ईलाका प्रहरी कार्यालय ढल्केवर लगेर आवश्यक अनुसन्धान गरिने जनाइएको छ । नगरपालिकाको पत्रलाई बारम्बार अटेरी गरी बलपूर्वक क्रसर सँचालन गरेको नगर प्रमुख राम बाबु यादवले बताउनुभयो ।

गत पुस २५ गते विहान धनुषाको मिथिला नगरपालिका वडा नं. ३ स्थित एक त्रसर डन तथा अवैद्य नदी उत्खननको विरोध गर्दा क्रसर डनहरुले एक युवकको हत्या गरेको थियो ।