जनकपुरः रड प्रहार गरी छोराले गरे आफ्नै वुवाको हत्या !

न्यूज ब्यूरो, जनकपुरधाम । आफनै छोराले रड प्रहार गरी आफ्नै वुवाको हत्या गरेको खवर प्राप्त भएको छ ।

प्रदेश नं. २ को महोत्तरी जिल्लाको औरही नगरपालिका वडा नं. २ मा यो घटना भएको जनाइएको छ । घरासयी विवाद हुँदा बेलुकी करिब ८ बजेको समयमा आफ्नै बुवा उपर रड प्रहार गरिएको बताइएको छ ।

औरही नगरपालिका वडा नम्बर – २ घर भएको हाल वडा नं. १ मा बस्दै आएको रामभगत महतोको छोरा ३५ वर्ष मनोज महतोको हत्या भएको जनाइएको छ ।

मनोज महतोको आफ्नै छोराले रड प्रहार गरि हत्या गरेको स्थानीय एक जनाले नाम नखोल्ने शर्तमा बताए ।

यता, जिल्ला प्रहरी कार्यालय महोत्तरीले घटनाबारे थाहा नभएको प्रतिक्रिया दिएको छ । सोही क्रममा ईलाका प्रहरी कार्यालय गौशालाले भने घटना भएको र अनुसन्धानको लागि प्रहरी पठाएको प्रतिक्रिया दिएको छ ।

प्रहरी चौकी औरहीले भने घटना भएको पुष्टि गरेको छ । मनोज महतोको हत्या भएको र थप अनुसन्धानको लागि टोली घटनास्थल पुगेको जानकारी दिएको छ । छोरा फरार रहेको बताइएको छ ।