निर्भया गैंगरेप काण्डमा चारै दोषीलाई फाँसी झुण्डयाइए !

न्यूज ब्यूरो, जनकपुरधाम । ७ वर्ष अघि भारतको दिल्लीमा एक युवतिसँग भएको सामुहिक बलात्कारका दोषीहरुलाई आज फाँसी दिइएको छ ।

गत सन् २०१२ मा भारतको राजधानी दिल्लीमा भएको निर्भया गैँगरेप काण्डमा आज करिब सवा ७ वर्षपछि दोषीहरुलाई फाँसी दिइएको हो ।

भारतको तिहाड जेलको फाँसी घरमा आज (शुक्रबार) विहान ५ः३० बजे चारै जनालाई फाँसी दिइएको हो । निर्भया रेप केसका चारै दोषी विनय, अक्षय, मुकेश र पवन गुप्तालाई एकै साथ आज फाँसी दिइएको हो ।

फाँसीपछि उनीहरुको लासलाई पोष्टमार्टमको लागि अस्पताल पठाईने भारतीय सँचारमाध्यमहरुले जनाएको छ । उनीहरुले ७ साल ३ महिना ३ दिन अघि १६ डिसेम्बर २०१२ मा राजधानी दिल्लीमा गरेको यो घटनाले पुरै भारतलाई हल्लाएको थियो ।

निर्भया बलात्कार काण्ड भएपछि लाखौं, करोडौं जमात सडकमा ओर्लेर दोषीलाई फाँसीको माग गरेको थियो भने आज त्यसको नतिजा देखिएको छ । चारै जनालाई एक साथ फाँसी दिइएको छ ।

निर्भयाकी आमा आशा देवीले लामो समयदेखि न्यायको लागि लडाई लडेकी थिइन, आज जब चारै दोषीलाई फाँसी दिएपछि २० मार्चलाई आजदेखि हरेक वर्ष निर्भया दिवसको रुपमा मनाउने बताइन् ।

निर्भयाको बलात्कार विभत्स गरिएको थियो । दोषीहरुले बलात्कारपछि योनीमा रड हालिदिएका थिए । केयौ दिन अस्पतालमा जीवन र मृत्यूसँग लडदै अन्तत निर्भया निभाइन् । निर्भयाको लागि भारतकी महिलाहरुले निकै आन्दोलन गरेपछि यस्तो परिणाम आएको हो ।

विहिबार नै फाँसी सुनाइको चारै दोषीलाई बचाउनको लागि आजसम्म प्रयास भएको थियो । दोषीहरुका वकिल एपी सिँहले फाँसीको दिनको एक दिन अघिसम्म दिल्ली हाई कोर्टमा डेथ वारेन्ट सार्नको लागि याचिका दायर गरिएको थियो तर अदालतले उनीहरुको विपक्षमा फैसला दिएपछि फाँसी भएको हो ।

आधी रातमा वकिल सिँहले सवोच्च अदालत बसेपछि पनि दोषीहरुले कुनै यस्तो प्रमाण दिन सकेनन जसको कारण फाँसी रोक्न सकियोस । एपी सिँहले फाँसीलाई गलत बताउँदै आएका थिए ।

सन २०१२ डिसेम्बर १६ को राती भारतको इतिहास बनेको छ । राजधानी दिल्लीको मुनिरकामा ६ जनाले चल्ती बसमा पारामेडिकल छात्रासँग सामुहिक बलात्कार गरे । यस मामिलामा उनीहरुले हवसको सबै हद पार गरेका थिए जसले पुरै भारत पनि तहल्का मच्चिएको थियो ।

दोषीहरुले छात्रासँग कुटपिट सहित विभत्स तवरले बलात्कार गरिएको थियो । चल्दै गरेको बसबाट उनको साथीलाई फालिदिएका थिए दोषीहरु ।

पीडित निर्भयाको दिल्लीको सफदरजँग अस्पतालमा उपचार चलिरहँदा त्यहाँ सुधार नभएपछि उनलाई सिँगापुर पठाइएको थियो । तर २९ डिसेम्बर २०१२ मा उनको मृत्यू भएको थियो ।

दोषीमध्ये एक जनाले जेलमै आफै आत्महत्या गरेका थिए ।