जनकपुर एयरपोर्टमै एक युवक पक्राउ

न्यूज ब्यूरो, जनकपुरधाम । जनकपुर एयरपोर्टबाट एक युवकलाई प्रहरीले पक्राउ गरेको छ ।

अवैद्य भारतीय रुपैयाँ सहित एक युवकलाई धनुषा प्रहरीले पक्राउ गरेको हो । आज (मँगलबार) करिब १ः१५ बजेको समयमा जनकपुर एयरपोर्टबाट ३ लाख रुपैयाँ भारु सहित पक्राउ गरेको हो ।

जनकपुर नागरिक उड्डयन कार्यालयमा विमान सुरक्ष गार्ड जनकपुरबाट खटिएको प्रहरी टोलीले विमानमा जाने श्री एयरलाईन्सको यात्रुहरुलाई चेक जाँच गर्ने क्रममा पक्राउ गरेको हो ।

पक्राउ पर्नेमा भारतको जिल्ला मुज्जफरपुर थाना काँटी ग्राम पञ्चायत काँटी वडा नं. ९ बस्ने संजय कुमार गुप्ताको छोरा वर्ष २० को शिवम कुमारलाई पक्राउ गरिएको जिल्ला प्रहरी कार्यालय धनुषाले जनाएको छ ।

शिवमको शरीर तथा उनले बोकेको कालो झोला चेक जाँच गर्दा उक्त कालो झोलामा कपडाहरु रहेको र कपडाहरुको बिच भागमा बिक्की लेखिएको कपडाको झोला भित्र स्पोटर्स प्रभात लेखिएको भारतिय पत्रिकामा बेरीएको अवस्थामा भारतिय रु. २,०००।– को नोट १ सय ५० थान बरामद गरिएको छ ।

जम्मा भारतिय रु. ३,००,०००।– (तिन लाख) फेला पारी बरामद गरी आवश्यक कार्वाहीको लागी राजश्वन अनुसन्धान कार्यालय पथलैयामा पठाईएको जनाइएको छ ।