सडक दुर्घटनामा बाह्रको मृत्यु

नयाँ दिल्ली, १ माघ : पूर्वीभारतमा दु्रत गतिमा रहेको एक ट्रकले रिक्सालाई ठक्कर दिदा कम्तीमा १२ यात्रुको मृत्यु भएको प्रहरीले सोमबार जानकारी दिएको छ ।

झारखन्ड राज्यको गुम्ला जिल्लाको एक राजमार्गमा आइतबार अबेर राति हिन्दुहरुको पर्व मनाएर फर्किरहेका व्यक्तिहरुको मृत्यु भएको बताइएको छ ।

प्रान्तीय राजधानी राँचीबाट १०० किलोमिटर टाढा रहेको स्थानमा सो घटना भएको छ । यस घटनामा ट्रक चालक पनि घाइते भएको गुम्ला प्रहरी प्रमुख अन्शुमनकुमारले एएफपी समाचार समितिलाई बताउनु भएको छ ।

यस घटनामा गम्भीर घाइते भएका चारजना यात्रुको अस्पतालमा उपचार भइरहेको बताइएको छ । भारत विश्वको तुलना बढी मात्रामा सडक दुर्घटना हुने देशको सुचीमा पर्दछ ।

खराव स्थितमा रहेको सडक, मर्मत नभएको सवारी साधन र चालकको लापरबाहीका कारण भारतमा सडक दुर्घटना बढी मात्रामा हुने गरेका अधिकारीहरुको भनाई छ ।

भारतमा सडक दुर्घटनामा प्रत्येक बर्षमा १ लाख ५० हजार भन्दा बढीको मृत्यु हुने गरेको सरकारी तथ्याङ्कले जानकारी दिएको छ ।

गत डिसेम्बरमा भारतीय पश्चिमी राज्य राजस्थानमा एउटा बस नदीमा खस्दा भएको सडक दुर्घटनामा परी कम्तीमा ३२ व्यक्तिको मृत्यु भएको थियो ।