१७ लाख रुपैयाँ घुस सहित अधिकृत रँगेहात पक्राउ

न्यूज ब्यूरो, जनकपुरधाम । अख्तियार दुरुपयोग अनुसन्धान आयोगले एक कार्यालयका अधिकृत सहित ६ जना रँगेहात पक्राउ परेका छन् ।

प्रदेश नं. ५ को नापी कार्यालय भैरहवा रुपन्देहीका नापी अधिकृत सरोज श्रेष्ठ सहित अन्य ५ जना कर्मचारी गरी ६ जनालाई १७ लाख रुपैयाँ घुस सहित पक्राउ गरिएको हो ।

अधिकृत श्रेष्ठसँगै सर्भेक्षक तिर्थराज भण्डारी, सर्भेक्षक थानेश्वर चौधरी, मालपोत कार्यालय भैरहवा, रुपन्देहीका नायब सुब्बा धर्मराज पन्थी र भुसाल लेखापढी व्यवसायी भैरहवा रुपन्देहीका लेखापढी व्यवसायी जीवन शर्मालाई पक्राउ गरिएको हो ।

कर्मचारीहरुले सेवाग्राहीको जग्गाको कित्ताकाट र नामसारी गर्ने काममा सहजीकरण गरिदिने प्रयोजनका लागि सेवाग्राहीसँग पटक–पटक घूस/रिसवत माग गरिरहेको भन्ने सूचना एवं उजुरी निवेदनका आधारमा पक्राउ गरिएको हो ।

अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले नापी कार्यालयका यी कर्मचारीहरुलाई १७ लाख रुपैयाँ लिसकेको अवस्थामा पक्राउ परेका हुन् ।

पक्राउ परेका कर्मचारीहरुले १७ लाख रुपैयाँ ६ जना एक आपसमा मिलिजुली बांडीचुंडी खाने मनसायले सेवाग्राहीसंगबाट जिल्ला रुपन्देही सिद्धार्थनगर नगरपालिका वडा नं. १३ बसपार्क स्थित अशोका होटलको अगाडीबाट पक्राउ परेका हुन् ।

उनीहरुलाई शुक्रबार नै पक्राउ गरिएको अख्तियार दुरुपयोग अनुसन्धान आयोगका प्रवक्ता प्रदीप कुमार कोईरालाले जनाएको छ ।