कारोना भाइरस : इटलीमा एकैदिन २ सय ५० को मृत्यु

न्यूज ब्यूरो, एजेन्सी । विश्वलाई त्रसित बनाएको कारोना भाइरसका कारण युरोपेली देश इटलीमा एकैदिन २ सय ५० जनाको मृत्यु भएको छ ।

कोरोनाबाट एकै दिनमा मृत्यु भएको यो संख्या हालसम्मकै धेरै हो । विश्व स्वास्थ्य संगठन (डब्लूएचओ)का अनुसार कोरोना भाइरस संक्रमण सुरु भएको चीनपछि इटलीमा डरलाग्दो स्थिति छ ।

हालसम्म इटलीमा कोरोना भाइरस संक्रमणका कारण मृत्यु हुनेको संख्या १ हजार २ सय ६६ पुगेको छ । संक्रमितको संख्या १७ हजार ६ सय ६० भन्दा बढी छ । डब्लूएचओका अनुसार हालसम्म १ सय २३ वटा देशमा कोरोना भाइरस संक्रमित फेला परेका छन् ।

विश्वभर १ लाख ३२ हजार ५ सय ३६ जना संक्रमित छन् भने ४ हजार ९ सय ४७ जनाको मृत्यु भएको छ । कारोना भारइसका कारण यतिबेला विश्व नै त्रसित बनेको छ ।