कतार प्रवेशमा प्रतिबन्ध !

न्यूज ब्यूरो, कत्तार । खाडी मुलुक कतारमा त्यहाँको सरकारले अन्य विभिन्न ठाउँमा कतार छिर्ने उपर अस्थायी रोक लगाएको छ ।

कोरोना भाईरसको महामारीलाई मध्यनगर गर्दै कतार सरकारले ०९ मार्चदेखि अस्थायी रुपमा कतार प्रवेशमा रोक लगाएको छ । यससँगै विभिन्न १४ मुलुक भएर कतार प्रवेश गर्दै आएकोमा अस्थायी रोक लगाएको हो ।

कतारको स्वास्थ्य मन्त्रालयका अनुसार अहिलेसम्म ३ आप्रावसी सहित १५ जनामा कोरोना भाईरसको सँक्रमण भेटाएको भन्दै अन्य देशबाट कतार प्रवेश गर्नेहरु उपर रोक लगाएको छ । यससँगै अहिले वैदेशिक रोजगारीको लागि जाने नेपालीहरु समेत कतार जान नपाइने भएको छ ।

कतार स्थित रहेको नेपाली राजदुतावासले एक प्रेस विज्ञप्ति जारी गर्दै कतार सरकारको आदेश अनुसार र अपनाएको सुरक्षा नीतिलाई मध्यनजर गर्दै भीडभाड तथा कुनै व्यक्तिसँग सम्पर्क गर्नु परे भौतिक रुपमा नभेटेर फोन मार्फत कुराकानीमा जोड दिन आग्रह गरिएको छ ।

कतार प्रवेशमा अस्थायी रूपमा बंगलादेश, चीन, इजिप्ट, भारत, इरान, इराक, लेबनान, नेपाल, पाकिस्तान, फिलिपिन्स, दक्षिण कोरिया, श्रीलंका, सिरिया र थाइल्यान्डका लागि प्रवेश रोक लगाएको हो ।

दुतावासको कार्यले पनि नेपालीहरुले दुतावासमा भौतिक रुपमा नगएर फोन मार्फत आफ्नो कार्य गराउन अपिल गरिएको हो । वैदेशिक रोजगारीको क्रममा कतारमा रहेका नेपालीहरुले समेत सर्तकता अपनाउनु आवश्यक छ ।