शहिदनगरमा किसानहरुको लागि उन्नत योजना : मेयर बरबरिया

न्यूज ब्यूरो, जनकपुरधाम । धनुषाको शहिदनगरमा किसानहरुको लागि नयाँ योजना ल्याइएको छ ।

नगर प्रमुख उदय कुमार बरबरियाले शहिदनगरका किसानहरुको लागि करेसावारी प्रवद्र्धन हेतु उन्नत जातको वीउ वितरण गरिने बताउनुभएको छ । शहिदनगर भित्रका तरकारी किसानहरुलाई करेसाबारीलाई थप प्रवद्र्धन गर्नको लागि उनीहरुलाई उन्नत जानको वीउ वितरण गरी तरकारीमा आत्मनिर्भर बनाउने योजना रहेको बताउनुभएको छ ।

नगरपालिकाको बहु क्षेत्रीय पोषण परियोजना अन्तर्गत नगरस्तरीय पोषण खाद्य सुरक्षा तथा निर्देशन समितिको आज (आईतबार) सम्पन्न भएको अन्तरक्रिया कार्यक्रममा बोल्दै मेयर बरबरियाले नगरवासीमा पोषण योजना लागूको एक पडावको रुपमा यो योजना लागू गर्ने कार्यक्रम रहेको बताउनुभएको छ ।

अन्तरक्रिया कार्यक्रममा चैत्त मसान्तसम्म नगरभित्रको सुत्केरी, गर्भवति महिला तथा कुषोषित बालबालिकाहरुको तथ्याँक संकलन गरी उनीहरुको लागि चाहिने आवश्यक थप योजना समेत लागू गर्ने बताउनुभएको छ । पोषण कार्यक्रमको वार्षिक तालिका अनुसार आज अन्तरक्रिया गर्दै तरकारी खेतमा किसानलाई आत्मनिर्भर बनाएर नगरपालिकालाई समृद्धी तर्फ उन्मुख गरिने बताउनुभयो ।

उहाँले भन्नुभयो–“तरकारी खेती तर्फ शहिदनगर नगरपालिकाका किसानहरु आकर्षित छ । उनीहरुलाई मात्र प्रर्वद्धन र सहयोग गर्न सकिए आफूमा आत्मनिर्भर र स्वरोजगार हुन्छ । यसले समृद्ध शहिदनगरको परिकल्पनालाई साकार पार्न थप बल पुग्छ ।”

यसका साथै, गर्भवति महिला, सुत्केरी महिलालाई दैनिक आहारमा विविद्य खाद्य्य वस्तु तथा व्यवहार सम्बन्धि अभिमुखिकरण तथा फलेक्स चार्ट (कलेण्डर) समेत बनाउने जनाइएको छ ।

नगरस्तरीय पोषण खाद्य सुरक्षा तथा निर्देशन समितिका अध्यक्ष समेत रहनुभएका मेयर बरबरियाको अध्यक्षता तथो पोषण शाखाका प्रमुख रुपेश विराजी, प्रमुख प्रशासकीय अधिकृत नन्द कुमार झा, लेखाअधिकृत लोक बहादुर नेपाली, स्वास्थ्य शाखाका सह सँयोजक राम सिकिल यादव सहित अन्य कर्मचारीहरुको उपस्थिति रहेको थियो ।