नेपाल रेल्वेले माग्यो यतिको कर्मचारी, SEE पासलाई पनि मौका ! तलब कति ?

न्यूज ब्यूरो, जनकपुरधाम । नेपाल रेल्वे कम्पनी लिमिटेड केन्द्रीय कार्यालय जनकपुरले २६ जना कर्मचारी माग गरेको छ ।

मिति २०७६ साल फागुन ९ गते शुक्रबार प्रकाशित गोरखापत्रको २८३ अंकको पेज नं. ६ मा प्रकाशित विज्ञापन अनुसार २६ जना कर्मचारी माग गरिएको हो । सूचना प्रकाशित गरिएको १५ दिनभित्र सम्पर्क गर्न आग्रह गरिएको छ ।

सम्पर्कको लागि सूचना प्रकाशित भएको १५ दिनभित्र शनिबार वा सार्वजनिक विदा पर्न गएको खण्डमा त्यसको भोलीपल्टसम्म समेत आवेदन दिन सक्ने नेपाल रेल्वे कम्पनी लिमिटेडको विज्ञापनमा उल्लेख गरिएको छ । सम्पर्कको लागि भने विहान १०ः३० बजेदेखि २ः०० बजेसम्म सम्पर्क गर्न भनिएको छ ।

आवेदनको लागि काठमान्डौं स्थित रहेको नेपाल रेल्वे कम्पनी लिमिटेडको कार्यालय विशालनगर स्थितको रेल विभागको फोन नं. ०१४४१७९२४ मा सम्पर्क गरेर पनि निवेदन पेश गर्न सूचना प्रकाशित गरिएको हो ।

रेल्वे कम्पनीले सिनियर सेक्सनल ईन्जिनीयर सिग्लनिँग १ जना, स्टेशन मास्टर ८ जना माग गरेको छ । जससको लागि सिनियर सेक्सनल तर्फ ईलेक्ट्रोनिक ईन्जिनीयरिँग मा स्नातक तह उतीर्ण गरी रोलिँग स्टोक मर्मत सम्भारमा कम्तीमा पनि ५ वर्षको अनुभव प्राप्त भएको माग गरिएको छ ।

यस्तै, स्टेशन मास्टरको लागि भने स्नातक तह उतीर्ण गरी रेल्वे स्टेशन मास्टरको रुपमा कम्तीमा ५ वर्षको अनुभव प्राप्त भएको व्यक्तिलाई सम्पर्क गर्न भनिएको छ ।

यस्तै, चीफ पावर कन्ट्रोलर १ जना, चीफ लोको ईन्स्पेक्टर १ जना, लोको पाईलट ३ जना माग गरिएको छ । करारमा लिने यी सेवाको लागि रेल्वे चालकको लाईसेन्स हुनुपर्ने योग्यता माग गरिएको छ । रेल चालकको लाईसेन्स प्राप्त गरी कम्तीमा पनि ५ वर्ष रेल चालक भई काम गरेको तथा कम्तीमा ५ वर्ष पावर कन्ट्रोलर भई काम गरेको योग्यता माग गरिएको छ ।

यसका साथै, चीफ लोको ईन्सपेक्टरको लागि रेलको लाईसेन्स सहित ५ वर्षको अनुभव र कम्तीमा ५ वर्ष लोको ईन्सपेक्टर भई काम गरेको योग्यता माग गरेको छ भने लोको पाईलटको लागि रेल्वको लाईसेन्स सहित त्यो क्षेत्रको कार्यअनुभव भएको व्यक्ति माग गरिएको छ ।

कर्मचारीहरुमा सह लोको पाईलट ३ जना, पी.वे. सुपरभाईजर ३ जना, मेकानिक ३ जना र पोइन्टस् मेन ३ जना गरी जम्मा २६ जना कर्मचारी माग गरिएको छ । सह लोको पाईलटको लागि सह रेल चालकको लाईसेन्स प्राप्त गरी कम्तीमा ३ वर्ष सह रेल चालक भई काम गरेको हुनुपर्नेछ ।

आवेदन माग गर्दै रेल्वे कम्पनीले पी.वे. सुपरभाईजरको लागि एसईई (एसएलसी) वा सो सरह उतीर्ण गरि सिभिल ईन्जिनीयरिँग विषयमा कम्तीमा ६ महिना तालिम प्राप्त तथा ब्रोडगेज रेल्वेमा पी.वे. सुपरभाईजर भई कम्तीमा २ वर्षको अनुभव प्राप्त गरेको योग्यता माग गरेको छ ।

मेकानिक तर्फ भने एईई मा जिपिए २ ल्याएको वा सो सरह उतीर्ण गरी मेकानिकल विषयमा कम्तीमा ६ महिना तालिम प्राप्त तथा रेल्वे रोलिँग स्टोकको मर्मच सम्भार कार्यमा कम्तीमा ५ वर्षको अनुभव प्राप्त भएको योग्यता माग गरिएको छ ।

यहाँ गोरखापत्र डाउनलोड गर्नुहोस् :

गोरखापत्र दैनिक फागुन ९ गते

यस्तै, पोइन्टस मेनको लागि सााधरण लेखपढ गर्न सक्ने तथा ब्रोडगेज रेल्वेमा सम्बन्धित कार्यमा कम्तीमा ५ वर्षको अनुभव प्राप्त उम्मेदवारलाई आवेदन दिनको लागि आव्हान गरिएको छ । यी कर्मचारीहरुलाई तलब तथा अन्य सेवासुविधा भने रेल्वे कम्पनीको नियमानुसार हुने उल्लेख गरिएको छ ।