टिकटक बनाउँदै थिए यी युवक, त्यतिकैमा...

न्यूज ब्यूरो, जनकपुरधाम । समाजिक सञ्जालमध्ये अहिले चर्चामा रहेको टिकटक एप निकै लोकप्रिय मानिएको छ ।

यसै क्रममा ट्रेनमै टिकटक बनाउँदा बनाउँदै एक युवक ट्रेनबाट तल झर्न पुगे । यो घटना भारतको हो । एक युवक तेज गतिमा चल्दै गरेको ट्रेनमा टिकटक बनाउने क्रममा उनीसँग दुर्घटना हुन जान्छ । हालका युवायुवतिहरुमा टिकटकप्रति बढदै गएको क्रेजले कैयौंको ज्यान गईसकेको छ ।

भारतका रेलमन्त्री पियूष गोयलले एक टिकटक भिडियो जारी गर्दै यस्तोलाई मुर्खताको संज्ञा दिनुभएको छ । उहाँले आफ्नो अधिकारी टवीटरमा जारी गरेको भिडियोमा एक युवक तीव्र गतिमा चलिरहेको ट्रेनको गेटमा स्टन्ट गर्दै झरेको र उनको टाउको पटरीमा आउनबाट मात्र बचेको देखिएको छ ।

यो भिडियोलाई शेयर गर्दै रेल मन्त्री गोयलले लेख्नुभएको छ –“चलती ट्रेन में स्टंट दिखाना बहादुरी नही, मूर्खता की निशानी है। आपका जीवन अमूल्य है, इसे खतरे में ना डालें। नियमों का पालन करें, और सुरक्षित यात्रा का आनंद लें।”

पीयूष गोयल द्वारा शेयर गरिएको टिकटक भिडियो तीव्र गतिमा सोसल नेटवर्कहरुमा भाईरल भईरहेको छ । त्यो भिडियोलाई लाखौं सर्वसाधारणले मन पराएका छन् । यद्यपी उनको भिडियोलाई नभई मन्त्री गोयलको सन्देशलाई मन पराएको छ भने टिकटक भिडियोप्रति आम सर्वसाधारणहरुले रिस जाहेर गरेको छ ।

समाजिक सञ्जालमा यो भिडियोलाई लिएर रेलमन्त्री पियूष गोयललाई चौतर्फी प्रशंसा गरिएको छ । यो भिडियोबाट धेरै टिकटक युजर्सहरुलाई सिख मिल्ने तथा टिकटकको चक्करमा आफ्नो ज्यान लेब स्टन्ट नगर्ने भनेर लेखेका छन् ।

यो टिकटक भिडियोको सुरुवातमा एक युवक एकदम तेज गतिमा चल्दै गरेको ट्रेनको गेटमा झुण्डिएको देखिरहेको छ । युवकको एक खुट्टा हावामा छ भने अर्को ट्रेनको गेटमा हुन्छ, त्यतिकैमा उनले समातेको हात छुटिन्छ र पटरीको नजिकै झर्छ । यद्यपी, ती युवकको ज्यान भने बच्छ ।

अहिले टिकटकका युजरहरु विभिन्न प्रकारको स्टन्टहरु गर्दै आएको छ । नाकारात्मक, साकारात्मक सँदेश समेत बोकेको टिकटक भिडियो बढी नाकारात्मक खाले हेर्न मिल्छ । कमेडीको नाममा अश्लिल शब्द, अश्लिल दृश्य, तस्विर प्रयोग गरिन्छ भने हालका किशोरा किशोरीहरुले त सँस्कृति पार नै गरेको देखिन्छ ।

जनकपुर सहित आसापासका क्षेत्र र नेपालको विभिन्न शहरहरुबाट बनाइने भिडियो किशोरीहरुले भने आफ्नो अभिभावकसँग चोरेर भएपनि लाईक र कमेन्ट पाउन जे जस्तो पनि दृश्य गरेर भिडियो हाल्ने गरेको देखिएको छ ।