रायले आफैले आफूलाई गोली हाने ?

न्यूज ब्यूरो, जनकपुरधाम । प्रदेश नं. २ को सर्लाही निवासी एक प्रहरी जवानले आफैंलाई आफूलाई गोली हानेको खवर प्राप्त भएको छ ।

जिल्ला प्रहरी कार्यालय सिन्धुलीमा कार्यरत एक प्रहरी जवानले आफैँलाई गोली हानेको बताइएको छ । वर्ष २२ का चन्द्रकिशोर रायले आफैले आफूलाई गोली हानेको बताइएको छ ।

सर्लाही जिल्लाको शिवनगर घर भई जिप्रकामा कार्यरत प्रहरी जवान रायले शुक्रबार (आज) आफैँलाई पेटमा गोली हानि गम्भीर घाईते भएको प्रहरी उपरीक्षक (एसपी) रञ्जु सिग्देलले जानकारी दिनुभयो ।

न्यूज ब्यूरोसँग प्रतिक्रिया दिँदै एसपी सिग्देलले उनले आफैलाई आफूले गोली हानेको प्रारम्भिक जानकारी मात्र भएको बताउनुभयो । पेटमा गोली हानेको अवस्थामा रायसँग प्रतिक्रिया लिने अवस्था नभएकोले विस्तृत जानकारी आउन सकेको छैन । “उनले आफैलाई हान्यो की, कसैले हानदियो भनेर अहिले भन्न सकिन्न ।”– उहाँले भन्नुभयो ।

उनले घाइते रायको सिन्धुली अस्पतालमा उपचार हुन नसकेपछि थप उपचारका लागि काठमाडौँ पठाइएको बताउनुभयो । “रायको पेटमा गोली लागेको र यहाँ उपचार सम्भव नभएपछि एम्बुलेन्समार्फत थप उपचारको लागि काठमाडौँ पठाएका छौँ”, एसपी सिग्देलले प्रतिक्रिया दिनुभयो ।

गोली हान्नुको कारण खुल्न नसकेको र आवश्यक अनुसन्धान शुरु भएको प्रहरीले जनाएको छ ।