अरविन्द केजरीवालले फेब्रुअरी १६ मा मुख्यमन्त्रीको सपथ लिने

न्यूज ब्यूरो, भारत । आम आदमी पार्टी (आप) का नेता अरविन्द केजरीवालले दिल्लीको मुख्यमन्त्रीको सपथ फेब्रुअरी १६ मा लिने भएका छन् ।

उनी दिल्लीको तेस्रो पटक मुख्यमन्त्री बन्न लागेका हुन् । सपथ ग्रहण समारोह रामलिला मैदानमा आयोजना हुनेछ । आपले दिल्ली विधानसभाको चुनावमा दुई तिहाई बहुमतका साथ विजयी भएको थियो ।

आपले कूल ७० स्थानमध्ये ६२ स्थान जितेको हो । दोस्रो स्थानमा रहेको भारतीय जनता पार्टीले ८ स्थानमा मात्र विजयी भएको छ । कांग्रेसले खातासमेत खोल्न सकेनन् ।