मोदीले दिए केजरीवाललाई बधाई

न्यूज ब्यूरो, एजेन्सी । दिल्ली विधानसभा निर्वाचनमा आम आदमी पार्टीले भारी बहुमत ल्याएपछि मुख्यमन्त्री अरविन्द केजरीवाललाई प्रधानमन्त्री नरेन्द्र मोदीले बधाई दिएका छन् ।

चुनावमा मोदीको भारतीय जनता पार्टी नराम्ररी पराजित भएको छ । मतगणना जारी रहँदा आपले ६२ सिट जित्ने देखिएको छ भने भाजपा ८ सिटमा खुम्चिने भएको छ ।

मोदीले ट्विट गरेका छन्, ‘आप र श्री अरविन्द केजरीवाललाई बधाई, दिल्लीका जनताको अपेक्षालाई पूरा गर्नहोला भन्ने शुभेच्छा ।’