दिल्लीमा आम आदमी पार्टीको अगाडि भाजपा फेल, कांग्रेसको खतै खुलेन

न्यूज ब्यूरो, एजेन्सी । भारतको दिल्ली विधानसभा चुनावको मतगणना जारी छ ।

मतगणनाको प्रारम्भिक रुझानमा आम आदमी पार्टी (आप) फेरीपनि सत्तामा आउने रुझान स्पष्ट देखिएको छ । आम आदमी पार्टी हालसम्म ३२ स्थानमा जीत हाँसिल गरिसकेको छ भने ३१ स्थानमा अग्रता लिइरहेको छ । यस्तै भारतीय जनता पार्टी (भाजपा) १ स्थान विजयी भएको छ भने ६ स्थानमा अगाडि छ ।

हालसम्मको मतगनणा अपडेट हेर्दा कांगेसको भने कतैपनि सम्भावना देखिएको छैन । दिल्ली विधानसभाका ७० सिटका लागि गत ८ तारिखमा चुनाव भएको थियो । बहुमतका लागि ३६ सिट ल्याउनुपर्छ ।

पछिल्लो समय संघीय सरकारमा सत्तामा रहेका विजेपी चुनाव जित्न अथक प्रयास गरेपनि विफल भएको छ । पछिल्लो समय सत्तारुढ भाजपा लगातार एकपछि अर्को प्रदेशमा पराजित हुँदै आएको छ ।

भारतीय प्रधानमन्त्री नरेन्द्र मोदी, गृहमन्त्री अमित साह लगायतका नेताले पुरै ताकत लगाएर चुनाव लडेपनि भाजपा परस्त भएको देखिएको हो ।