२० वर्षदेखि गाली खाँदा–खाँदा गाली–प्रुफ भइसकेँ : मोदी

न्यूज ब्यूरो, एजेन्सी । भारतीय प्रधानमन्त्री नरेन्द्र मोदीले आफूलाई गालीले कुनै प्रभाव पार्न छाडेको बताएका छन् ।

बिहीबार लोकसभामा डेढघण्टा भन्दा बढी सयम सम्बोधन गरेका मोदीले विपक्षी दल कंग्रेस र नेता राहुल गान्धीमाथि हमला गर्दै यस्तो बताएका हुन् । उनले बुधबार कांग्रेसका नेता राहुल गान्धीले आफूलाई युवाहरुले ६ महिनापछि लौरीले हान्न थाल्ने भनाइको जवाफ समेत दिए ।

राहुलले बुधबार दिल्लीमा भएको एक कार्यक्रममा मोदी सरकार संविधानको विरुद्धमा गएको, भारतमा बेरोजगारीको संख्या बढाउँदै लगेको आरोप समेत लगाएका थिए । एक कांग्रेसी नेताले ६ महिनामा मान्छेले मलाई लाठीले कुट्छन् भनेर भनेका छन् । राम्रो भयो, पहिले भनियो । म तयारी गर्छु, सूर्य नमस्कारको संख्या बढाउनेछु’, प्रधानमन्त्री मोदीले भने, ‘२० वर्षदेखि मानिसहरूले मलाई यसरी गाली गरिरहेका छन् कि मलाई गालीले छुनै छाड्यो ।’

मोदीले ६ महिनापछि लाठी खानका लागि आफूले पिठ तयारी अवस्थामा राखेको बताए । एउटा रेलमा यात्रा गरिरहेका मानिसहरुले एउटै आवाजलाई पनि फरक फरक रुपमा सुनेको कथा बताउँदै सम्बोधन अगाडि बढाएका मोदीले राहुललाई ढिलो बुझ्ने नेताको संज्ञा दिए ।