कमेडीको नाममा सीताको अपमान, माता सीतालाई रक्सी खुवाउने भनेपछि...

न्यूज ब्यूरो, जनकपुरधाम । पटक पटक कमेडीको नाममा छाडा कमेडी र हँसाउनेको नाममा अनियन्त्रित कमेडीहरुको क्रममा यसपाली पुनः हिन्दु देवी देवता उपर अपमानजनक शब्दहरु प्रयोग गरिएको छ ।

कमेडी च्यालेन्ज नामक एक कमेडी कार्यक्रममा हिमेश पन्त नामक कमेडियनले माता सीतालाई रक्सी खुवाएर साँचो बोलाउने भनेर भनेपछि समाजिक सञ्जालमा ट्रोल भएको छ । हिन्दु धर्मावलम्बीहरुको आस्था मानिएकी माता सीतालाई रामले रक्सी खुवाएर साँचो बोलाउन सक्थे भनेर भनेपछि उनको कडा आलोचना भएको छ ।

कमेडीको नाममा कुनै धर्म उपर प्रहार गर्न नपाउने भनिएपनि कमेडिकै नाममा जगत जननी माता सीता उपर अभद्र शब्द प्रयोग गरेपछि विभिन्न खाले टिकाटिप्पणी भएको छ । गत जनवरी २७ मा कमेडी च्यालेन्ज नामक च्यानलबाट अपलोड गरिएको सो भिडियोमा हिमेश पन्त नामक कमेडियनले भनेका छन् –“भगवान रामले निकै ठुलो वैज्ञानिक थिए, सीतालाई आगोमा हालेर (अग्नी परीक्षा) लिएर जुठो हो की भनेर जाँचेका थिए, त्यतिबेला नै रक्सी खुवाएर साँचो बोलान सकिहाल्थ्यो नी ?” भनेर अभद्र शब्द प्रयोग गरेका छन् ।

यसका साथै, रावणको १० वटा टाउको भएकोले सेभ गर्नलाई पनि माता दुर्गालाई आउनुपर्ने भनेका छन् । रावणको १० वटा टाउकोको सेभ गर्न (दाह्री, जुँगा काटन) एक्लै नसक्ने भएर माता दुर्गाको १० वटा हात भएकोले भ्याउन सकिने जस्ता शब्द प्रयोग गरेर देवी देवताको समेत अपमान गरेको छ ।

यद्यपी, त्यसमा सहभागी दिग्गज जजीस्ट (जज, निर्णायक) हरुले मात्र होईन सहभागीहरुले समेत पेट मिचिमिची हाँसिरहेका देखिए । यसरी एक आस्था उपर बिल्ला हानिरहँदा, देवी देवता उपर रोस्ट र अपमानजनक, अभद्र शब्दहरु प्रयोग गरिरहँदा सबै जना हाँस्दै ताली पिटिरहेका देखिए ।

भगवान गणेशले मुसो चढेको भन्दै व्यँग गर्दै यत्रो मोटो गणेश विरालो चढदा हुन्थ्यो भनेर भनेका छन् । यसका साथै, हनुमानको पछाडी (चाक) मा झन मिथाईल ओरिनचिकेटर रहेको भनेर सो कमेडिको क्रममा भनेका छन् ।

काठमान्डौंबाट सँचालन हुने यस्ता विभिन्न कमेडि शोहरु छन् जसमा कहिले मधेशी समुदायलाई धोती भनेर हेपिरहेका हुन्छन् भने कहिले कालो भनेर । यसै क्रममा यसपाली सीता उपर अपमान जनक शब्दहरु प्रयोग गरेका छन् । कमेडी शोले त्यसको लागि माफी समेत मागीसकेका छन् ।

तर, समाजिक सञ्जालमा कमेडियन हिमेश पन्तलाई पनि केही व्यक्तिहरुले तथानाम भनेका छन् ।