गैर आवासीय मधेशी संघ सउदी अरेबियाको संगठन विस्तार

न्यूज ब्यूरो, सउदी । मधेश मूलका नेपालीहरुको छाता सँगठन गैर आवासीय मधेशी संघ (एनआरएमए) को संगठन विस्तार गरिएको छ ।

शनिबार संघको बसेको बैठकबाट सउदी अरेबियाको लागि ५१ सदस्यीय पदाधिकारि सहितको समिति गठन गरिएको छ । निर्मल मण्डलको अध्यक्षतामा गठन गरिएको सो समितिका पदाधिकारिहरुमा सउदी अरेबियाको विभिन्न ठाउँमा छरिएर रहेका मधेसीहरु रहेका छन् ।

विश्वभर छरिएर रहेका मधेशीहरुको छाता संगठन तथा मधेशीहरुको हकहितको लागि अग्रसर रहने सँस्थाको रुपमा स्थापित भएको गैर आवासीय मधेशी संघको सह–अध्यक्षमा अधिकारी उपेन्द्र यादव, उपाध्यक्षहरुमा त्रिलोकी साह (बरिष्ठ), बुधेश्वर महरा, राम स्वरुप मण्डल र विकु यादवलाई चयन गरिएको छ ।

यस्तै, संगठनको कोषाध्यक्षमा श्याम सुन्दर साह, सहकोषाध्यक्षमा घुरण सदालाई चयन गरिएको छ भने महासचिवमा अशोक साह, सह–महासचिवमा सुरेन्द्र कामति, सचिवमा मनोज कुमार कुशवाहा, सह सचिवमा कुशेश्वर यादवलाई चयन गरिएको छ भने मिडिया कोर्डिनेटरमा जोगीन्द्र कुमार मण्डललाई चयन गरिएको छ । त्यसकै सह कोर्डिनेटरमा भने सुनिल कुमार साहलाई चयन गरिएको हो ।

गैर आवासीय मधेशी संघ विदेशमा रहेका मधेशीहरुको लागि अभिभावकत्व प्रदान गर्दै आएको छ । उनीहरुको दुःख, पीडामा सहभागी हुने गरेको छ ।