जनमत पार्टीको 'वरिष्ठ नेतृत्व मण्डल' गठन

न्यूज ब्यूरो, जनकपुरधाम । डा. सिके राउत नेतृत्वको जनमत पार्टीको वरिष्ठ नेतृत्व मण्डल गठन भएको छ ।

सिरहाको गोलबजारमा मंगलबार बसेको बैठकबाट वरिष्ठ नेतृत्व मण्डलको औपचारिक घोषणा गरिएको हो । बैठकले अशोक सिंहको संयोजकत्वमा समिति गठन गरेको छ ।

समितिको सञ्चार प्रमुख सुर्यदेव यादव चयन भएका छन् भने सहसञ्चार प्रमुखमा प्रमोद पटेललाई चयन गरिएको छ । बाँकी पदाधिकारीको चयन विस्तारै गरिँदै जाने जनमत पार्टीका संजय यादवले जानकारी दिए ।

पार्टीको यसअघिको केन्द्रीय समिति बैठकले विभिन्न क्षेत्रमा योगदान गरेका ४५ वर्ष पूरा गरेकाहरूको ‘वरिष्ठ नेतृत्व मण्डल’ गठन गर्ने निर्णय गरेको थियो ।