भजपा सांसद गौतम गाम्भीरलाई ज्यान मार्ने धम्की

न्यूज ब्यूरो, भारत । भारतका पूर्व क्रिकेटर तथा भारतीय जनता पार्टीका सांसद गौतम गाम्भीरलाई ज्यान मार्ने धम्की आएको छ ।

गाम्भीरले शनिबार आफू र परिवारलाई ज्यान मार्ने धम्की आएको भन्दै प्रहरीमा उजुरी गरेको भारतीय संचारमाध्यमहरुले जनाएका छन् । अन्तराष्ट्रिय फोन नंबरबाट आफूलाई धम्की आएको गाम्भीरले बताएका छन्। उनले आफ्नो तथा परिवारको सुरक्षा सुनिश्चित गर्न प्रहरी समक्ष आग्रह गरेका छन् ।

गौतम गाम्भीर कैयौं मुद्दामा खुलेर कुरा राख्छन् । हालै गाम्भीरको पूर्व पाकिस्तानी क्रिकेटर साहिद अफरिदीसँग पनि मौखिक विवाद भएको थियो । हाल भारतमा नागरिकता विवाद पनि जारी छ ।

उनी सत्ताधारी दल भाजपाका सांसद हुन् । प्रहरीले गाम्भीरलाई धम्की आएको विषयमा अनुसन्धान भइरहेको जनाएको छ ।