घुस सहित फेरी एक प्रहरी रँगेहात पक्राउ

न्यूज ब्यूरो, विराटनगर । सेवाग्राहीसँग अनावश्यक रुपमा घुस लिँदालिँदै एक जना प्रहरी फेरी पनि पक्राउ परेका छन् ।

सि.आर.भि. केशलियामार्ग विराटनगर मोरङमा कार्यरत प्रहरी सहायक निरीक्षक श्यामकुमार दाहाललेलाई अख्तियार दुरुपयोग अनुसन्धान आयोगले रँगेहात घुस सहित पक्राउ गरेको हो । सेवाग्राहीलाई अनावश्यक दुःख हैरानी दिई बिभिन्न खाद्य सामग्रीहरु ओसारपोसारमा सहजिकरण गरिदिने प्रयोजनको लागि घुस लिइसकेको अवस्थामा उनलाई पक्राउ गरिएको हो ।

सेवाग्राहीसँग घुस रिसवत रकम माग गरेको सूचनाको आधारमा अख्तियार दुरुपयोग अनुसन्धान आयोगको कार्यालय इटहरीबाट खटिई गएको टोलीले सेवाग्राहीबाट ७ हजार रुपैयाँ घुस लिइसकेको अवस्थामा विराटनगर महानगरपालिका वडा नं. ६ घाँसचोकबाट पक्राउ गरिएको हो ।

उनलाई बुधबार नै पक्राउ गरी अख्तियार दुरुपयोग अनुसन्धान आयोगको शाखाका कार्यालय इटहरीमा अनुसन्धानको लागि राखिएको हो ।