धनुषामा १४ बर्षिय बालिका उपर बलात्कार !

न्यूज ब्यूरो, जनकपुरधाम । धनुषामा पुनः एक बालिका बलात्कारको शिकार भएकी आरोपी लगाइएको छ ।

धनुषाको धनुषाधाम नगरपालिका वडा नं. ५ देवकोटा टोलमा आज (मँगलबार) साँझ करिब ६ः३० बजेको समयमा स्थानीय एक २४ बर्षिय युवकले बालिका बलात्कार गरेको ईलाका प्रहरी कार्यालय धनुषाधामले जनाएको छ । क्षीरेश्वरनाथ नगरपालिका वडा नं. ८ सीतानगर बस्ने अन्दाजी २४ बर्षिय युवकले स्थानीय एक बालिकालाई जबरजस्ती करणी गरेको आरोपी लगाइएको छ ।

साँझ गाउँदेखि करिब १०० मिटर पूर्वतर्फ खेतमा लगेर जबरजस्ती करणी गरेपछि बालिका चिच्चाएर गाउँलेलाई बोलाएको थियो । चिच्याएको आवाज सुनेर तत्कालै गाउँलेहरु दौडेर जाँदा युवक फरार भएको बताइएको छ । बालिका अहिले ईलाका प्रहरी कार्यालय धनुषाधामको रोहबरमा उनकै घरमा राखिएको छ ।

बालिकाले स्थानीयवासीहरुलाई सोही स्थानको ती युवकको नाम बताएकी हुन् । महतो थरका ती युवक भने फरार रहेका छन् । बालिकाको स्वास्थ्य परीक्षण गराएपछि थप कुरा भन्न सकिने प्रहरीले जनाएको छ । भोली बुधबार विहानै बालिकाको स्वास्थ्य परीक्षणको लागि जनकपुर पठाउने तयारी गरिएको छ भने युवकको खोजी कार्य तीव्र पारिएको छ ।

नोट : गोपनियता तथा अनुसन्धानमै मात्र रहेकोले बालिका एवम् युवकको नाम गोप्य राखिएको छ । न्यूज ब्यूरोसँग थप जानकारी छ ।