धनुषा : जेसिबिमा चोट लाग्दा एक युवकको मृत्यू !

न्यूज ब्यूरो, जनकपुरधाम । धनुषामा जेसिबी (डोजर) मा चोट लाग्दा एक युवकको ज्यान गएको छ ।

धनुषाको मिथिला बिहारी नगरपालिका वडा न १० ठेरा बस्ने राम सोगरात यादवको जेठो छोरा सरोज यादवले चलाको बा २ क ७४२२ नम्बरको जेसिबी (डोजर) पछाडि गर्न बेलामा चोट लाग्दा उनकै कान्छो भाई भाग्यनारायान यादवको मृत्यू भएको हो । जेसिबीमा गम्भिर चोट लागेपछि गम्भिर घाईते भएका यादवलाई उपचारको लागि जनकपुर ल्याएको थियो ।

सोमबार साँझ जेसिबी ब्याक (पछाडी) गर्ने क्रममा भाग्यनारायणलाई चोट लागेको थियो भने उनलाई तत्कालै प्रादेशिक अस्पताल जनकपुरमा ल्याएको थियो । उपचारको क्रममा उनको अस्पतालमै मृत्यू भएको ईलाका प्रहरी कार्यालय धनुषाधामले जनाएको छ ।

यता, स्थानीयका अनुसार दुई भाईबीच झगडा भएको बताइएपनि ईलाका प्रहरी कार्यालय धनुषाधामका प्रहरी निरीक्षक सुमन थापाले भने यस घटनाबारे अनुसन्धान थालिएको र घटना कसरी भएको बारे अहिले केही बताउन नसिकने बताए । मृतकको शव पोष्टमार्टमको लागि अस्पतालमा राखिएको छ । मृतकका दाई फरार रहेका छन् भने जेसिबी धनुषाधाम प्रहरीको नियन्त्रणमा राखिएको छ ।