एयरपोर्टमा पूर्व मन्त्री 'मातृका' लाई कसैले माला नलगाइदिएपछि...

न्यूज ब्यूरो, जनकपुरधाम । संघीय सरकारको मन्त्रीमण्डल फेरबदल भएपछि गृहजिल्ला आएका पूर्व उद्योग वाणिज्य तथा आपूर्ती मन्त्री मातृकाप्रसाद यादवलाई जनकपुर एयरपोर्टमा कसैले माला लगाइदिएनन् ।

प्रदेश नं. २ का मुख्यमनत्री मो. लालबाबू राउत, पूर्वभौतिक पूर्वाधार तथा यातायात मन्त्री रघुविर महासेठ र मातृका प्रसाद यादवसँगै एउटै विमानबाट जनकपुर एयरपोर्टमा ओर्लिका थिए । मुख्यमन्त्री राउतलाई उनका कर्मचारी एवम् समर्थकहरुले माला लगाउँदै एयरपोर्टबाट मुख्यमन्त्री निवास मधेश भवन लगेको थियो । यता, नेकपाबाट प्रतिनिधित्व गरेका तथा हालै संघीय सरकारको मन्त्रीबाट हटाईका दुवै मन्त्रीमध्ये मातृका प्रसाद यादवलाई एयरपोर्टमा कसैले वास्ता गरेको देखिएनन् ।

पूर्व मन्त्री मातृका प्रसाद यादवलाई एयरपोर्टमा अपमान

त्यही सरकारको मन्त्री पदबाट हटाईएका रघुवीर महासेठलाई भने माला लगाउनको घुंईचो देखियो । करिब ४ बजे विमानबाट ओर्लेका दुवै पूर्व मन्त्रीमध्ये यादवलाई अपमानित हुनुपरेको दृश्य देखियो । महासेठलाई जनकपुरमा स्वागत गर्नको लागि लाम बसेका उनका समर्थकहरुमध्ये नै मातृकालाई कसैले वास्ता नगरेपछि एक जनाले माला लगाइदिएका थिए ।

विमानस्थलबाट भिआईपी कक्ष पुग्ने बाटोमा दुवै तर्फ पूर्व मन्त्री महासेठको समर्थकहरु हातमा माला लिएर लाईनमा बसेका थिए । त्यही ताँतीको बीचबाट पूर्व मन्त्री यादव भिआईपी कक्षतर्फ लागेको देखिएपनि कसैले उनलाई माला भने लगाइदिएनन् । त्यही रघुवीर महासेठलाई मालामाल भएका थिए । एक जनालाई यादवलाई माला लगाइदिएपनि उनले हातमा राखेर कक्षतर्फ लागेको देखियो ।

यसअघि रघुवीर महासेठलाई मन्त्री पदबाट हटाईपछि उनकै क्षेत्रमा खुसीयाली स्वरुप दिपावली मनाइएको थियो । विमानस्थलमै पत्रकार सम्मेलन गर्दै पूर्व मन्त्री महासेठले प्रधानमन्त्रीले चाहेको बेला अधिकार प्रयोग गरी मन्त्री पदबाट फिर्ता गर्न सक्ने हुनाले आफूहरुलाई हटाएको प्रतिक्रिया दिए ।

जनकपुरमा आउदोँ २९ तारिकमा रेल्वै संचालनका लागि कार्यअघि बढाइने र सोको लागि रेल्वे विभागलाई रेल्वे ल्याउनका लालग स्वीकृति दिने बताए । उनले आफुले रेल्वे संचालनको कार्य अन्तिम प्रक्रियामा पुगेकाले छिट्टै नै नेपाल रेल्वे संचालनमा आउने बताए ।

उनले फेरबदलमा मन्त्री पदबाट हटाइएकाहरु र नवनियूक्तहरु सबै सक्षम र सफल मन्त्री रहि फेरबदल भएको जिकिर गरे । जनकपुर विमानस्थलमा आउने क्रममा पूर्व उद्योग वाणिज्य तथा आपूर्ती मन्त्री यादवले भने पत्रकारहरु समक्ष केही बोल्न चाहेनन् ।