लुडो खेल्न नदिएपछि एक युवकको हत्या !

न्यूज ब्यूरो, जनकपुरधाम । लुडो खेल्ने विषयमा विवाद हुँदा एक युवकको हत्या भएको प्रहरीले जनाएको छ ।

सर्लाहीको विष्णु गाउँपालिका वडा नं. २ पकडीगोठमा लुडो खेल्ने विषयमा विवाद हुँदा एक युवक उपर रड प्रहार गरी हत्या गरेको जिल्ला प्रहरी कार्यालय सर्लाहीले जनाएको छ । स्थानीय विकाउ भन्ने अन्दाजी बर्ष २४ का विकास कुमार साहलाई स्थानीय सँतोष कुमार झाले रड प्रहार गरी हत्या गरेको प्रहरीले जनाएको छ ।

विष्णु गाउँपालिका वडा न.२ पकडिगोठमा गत शुक्रबार साधारण लुडो खेलको विवादलाई लिएर झगडा भएको थियो । गाउँलेहरू मिलेर छुट्टाउन प्रयासले झगडा झुटेको झन्डै २० मिनेट पछि विवाद उग्र भएर झडपको रुप लिएपछि घटना भएको बताइएको छ । आरोपित झाले साहको टाउकोमा रड प्रहार गरेपछि उनी तत्कालै बेहोस भएका थिए । बेहोस भएपछि उपचारको लागि वीरगँज अस्ताल लगेपछि उपचारको क्रममा उनको मृत्यू भएको प्रहरीले जनाएको छ ।

जिल्ला प्रहरी कार्यालय सर्लाहीका अनुसार साहको हत्या आरोपमा सँतोष झालाई नियन्त्रणमा लिएको हो । प्रहरीले दिएको जानकारी अनुसार द्दिपक्षिय झगडाको क्रममा झडपको रुप लिएपछि आरोपित झाको पनि घाईते भएका छन् । उनलाई अहिले जिल्ला प्रहरी कार्यालय सर्लाहीमा राखिएको छ भने अनुसन्धान अगाडी बढाइएको हो ।

यसरी भयो घटना :

घटना स्थल र झगडा छुटयाउन गएको प्रक्षयदर्शि बताए अनुसार ४ जना युवाहरू एक आपसमा समय पासका लागि लुडो खेलिरहेको थियोे । त्यसै क्रममा संतोष झाले अचानक कताबाट आएर मलाई पनि खेल्न दिनु भन्नेर भनेपछि मृतकको भाईले खेलाउन मानेनन् आफुलाई खेल्न नदिएको रिषमा गाली झडप गर्न लागेपछि कस संग झडप हुन लागेको हर्न जादा मृतक साहको भाइ संग झगडा भईरहेको थियोे ।

झगडा छुटाउन प्रयास गर्ने क्रमा आरोपित संतोष झा को २५ वर्षकी काजल झाले घरबाट फलामको रड निकालेर घरबाट हातमा दिएकी थिइन् । उक्त फलामे रडले एकाएक विकास साह( मृतक)को टाउकोमा हानि घाइते बनाएको थियो । टाउकोबाट रगत बग्न थालेपछि आरोपित संतोषकझा कि बहिनि सरिता देवी झाले टाउकोबाट रगत बग्ने ठाउँमा पानीको भाडोमा झारेकी थिइन ।

झडपमा आरोपित सँतोषका बुवा वाल्मीकि झा, आमा गिता झा, भाइ संजय झा र स्वयंम संतोष झाले स्वयमं फलामे रड हानेपछि एक्कासि बेहोस भएको देखेर फरार हुन लागेको क्रममा स्थानीयहरुले लखेटदै २ न.वडा अध्यक्ष संजय साहको घरमा पुगेका थिए । उत्ता वडाध्यक्षले आफूलाई यो घटना बारे अनभिज्ञता जनाएपछि गाउँमा भएको हो हल्ला सुनेर घटनास्थल पुग्दा टाउकोमा गहिरो चोट र टाउकामा भएको गिधिहरू बाहिर आएको हेरेर वडाध्यक्ष समेत स्तब्ध भएका थिए ।

त्यसपछि बराउधोरण प्रहरी चौकिलाई जानकारी गराएपछि घटना स्थलबाट आरोपित संतोष झालाई प्रहरीले आफ्नो नियन्त्रणमा लियो । स्थानीय स्तरमा सँतोषको उपचार सम्भव नभएपछि थप उपचारको लागि बिरगंज लगिएको थियोे । बिरगंजमा उपचार हुने क्रममा गत कार्तिक २३ गते नै मृत्यु भएको अस्पतालका चिकित्सकले पुष्टि गरेको प्रहरीले जनाए ।

अस्पतालबाट मृतक साहको शव (लास) पोष्टमाटमको लागि सर्लाही जिल्ला अस्पतालमा ल्याएको थियो । मृत्युको नागरिकता नभएको कारणले मुद्दा दर्ता गर्न समस्या भएको थियो भने स्थानीय जनप्रतिनीधी र अगुवाहरुको रोहबरमा जिल्ला प्रहरी कार्यालय सर्लाहीले मुद्दा दर्ता समेत गरेको मुद्दा शाखाका प्रहरी नीक्षिक उमा शंकर गुप्ताले जानकारी दिए ।

मृतक साहको २ सन्तान समेत रहेका छन् भने उनको स्वास्नी क्षण क्षणमा बेहोस हुने गरेकी छन् । यता, मृतक साहका वुवाआमाले आफ्नो छोरासँग न्याय नभए आत्मदाह गर्ने चेतावनी समेत प्रशासनलाई दिएको हो । उनका वुवाको घर भारत भएपनि विगत ३० वर्षदेखि सर्लाही नै बस्दै आएपनि उनलाई नागरिकता नभएको कारण सुरुमा मुद्दा दर्ता भएको थिएन । मृतक साह एसएलसी समेत नेपालबाटै गरेको उनका वुवाले जनाए ।