घटना दबाउन खोज्दै प्रहरी !

न्यूज ब्यूरो, जनकपुरधाम । धनुषाको कमला नगरपालिका वडा नं. ३ पर्सा टोलमा गत कार्तिक १५ गते भएको निर्घात कुटपिटको घटनालाई प्रहरीले दबाउन खोजेको आरोप लगाइएको छ ।

गत कार्तिक १५ गते कमला नपा ३ बस्ने स्थानीय धनेश्वर यादवको २५ बर्षिय छोरा विमलेश यादवलाई वडा नं. ३ कै वडाध्यक्ष विशेश्वर यादवका छोराले निर्घात कुटपिट गरी गम्भिर घाईते बनाएका थिए । पुरानो रिसवी र राजनीतिक प्रतिशोधका कारण वडाध्यक्ष विशेश्वर यादवका छोरा रामा यादवले उनलाई कुटपिट गरी घाईते बनाएका थिए । पीडित पक्षले न्यायको लागि ईलाका प्रहरी कार्यालय खजुरीमा ठाडो निवेदन दिएपनि प्रहरीले अहिलेसम्म उनलाई पक्राउ गर्न नसकेपछि प्रहरीले नै घटना दबाउन खोजेको आरोप लगाइएको छ ।

घाईते विमलेसको नेतृत्वमा गठन गरिएको नाग युवा क्लबद्धारा नगरपालिकाका मेयर सहित अन्य जनप्रतिनीधिहरुको सहयोगमा साप्ताहिक रुपमा सरसफाई गर्ने कार्यक्रम तय गरेपछि उनलाई नेपाली काँग्रेसको पार्टी विस्तार गर्न खोजेको भन्दै निर्घात कुटपिट गरेको थियो । कुटपिट गर्ने युवक कमला नपा ३ का वडाध्यक्षका छोरा हुन भने वडाध्यक्ष समाजवादी पार्टी नेपालबाट प्रतिनीधित्व गरेका हुन् । उनलाई राजनीतिक प्रतिशोधको कारण पनि निर्घात कुटपिट गरिएको जनाइएको छ ।

सम्बन्धित समाचार : धनुषामा वडाध्यक्षकै छोराले कुटेपछि एक युवक गम्भिर !

घटना भएको २ दिन पश्चात नै ईलाका प्रहरी कार्यालय खजुरीमा आरोपित रामा यादव उपर ठाडो निवेदन दिएपनि अझ उनलाई पक्राउ गर्न प्रहरीले चासो नदेखाएपछि पीडितले प्रहरी उपर नै शंका जनाएका छन् । "आफूहरु गरिब र र निमुखा भएकोले प्रहरीले पनि वास्ता गरेनन् , उनीहरु धनीका अपराध दबाउनै खोजेको जस्तो महसुस भएको छ ।"- उनले भने ।

सघैं घरमै बस्ने आरोपित ईलाका प्रहरी कार्यालय खजुरीका प्रहरी नीरिक्षक राजन थापाले उनी फरार भएको भनेर प्रतिक्रिया दिँदै आएका छन् । थापाका अनुसार घटना भएदेखि कुटपिट गर्ने यादव गाउँबाट भागेको जनाउँदै शिघ्र नै कानुनको दायरामा ल्याउने जानकारी दिए । विमलेसको आँखा बल्ल तल्ल बाँचेको देखिएको छ । उनको अति संवेदनशिल आँखामा मुक्का प्रहार गरी घाईते बनाएको हो । पीडितका अनुसार, त्यो दिन नभागेको भए आफ्नो ज्यानै जाने थियो भनेर दुखेसो पोखे ।