धनुषामा झुण्डिएको अवस्थामा शव फेला, घटना शंकास्पद

न्यूज ब्यूरो, धनुषा । धनुषामा झुण्डिएको अवस्थामा एकजनाको शव फेला परेको छ ।

धनुषाको लक्षमिनियाँ गाउँपालिका वडा नं. ३ महरा टोलका सोनफी महराका ४५ वर्षीय छोरा विश्वनाथ महरा आफू सुत्ने कोठामै झुण्डिएको अवस्थामा फेला परेका हुन् । छठ पर्वको राती घरका सब जना पर्व गर्न घाटमा गएका बेला उनी पासो लगेको अवस्थामा फेला परेको प्रहरीले जनाएको छ ।

घटना बारे प्रहरीलाई जानकारी नै नदिई उनकी श्रीमति लगायतकाले आफू खुशी पासो काटी घरबाट दुई किमि दुरीमा रहेको पवित्र महराको खाली जग्गामा दाह संस्कार गरेको बाहिरिएको छ । प्रहरी पुग्दा दाह संस्कार भइसकेको जनाएको छ ।

पासो लागेको गम्छाको आधा भाग सुत्ने कोठामा र आधा दाह संस्कार गरेको ठाउँमा भेटिएकाले घटना शंकास्पद बनेको छ । घटनाबारे अनुसन्धान थालिएको ईलाका प्रहरी कार्यलय महेन्द्रनगरले जनाएको छ ।