अपडेट : रौतहट बम विस्फोटका घाइतेहरु प्रहरी सम्पर्कमा

न्यूज ब्यूरो, रौतहट । रौतहटको राजपुरमा २०६४ चैत २७ गते साँझ भएको बम विस्फोटका जीवित घाइतेहरु रौतहट प्रहरीको सम्पर्कमा आएका छन् ।

बम बिस्फोटका सबै प्रमाण नष्ट गरेको भनिए पनि केही घाइते अहिले प्रहरीको सम्पर्कमा आएकाले अनुसन्धानमा सहज हुने बताइएको छ । घटना पुष्टिका लागि पर्याप्त प्रमाण प्रहरीले घाइतेहरुबाटै संकलन गरिसकेको जनाइएको छ ।

अनुसन्धान क्रममा एक सातादेखि प्रहरी हिरासतमा रहेका घटनाका आरोपित सांसद महम्मद आफताब आलमले बयानका लागि मुखै नखोले पनि बिस्फोटमा परेर घाइते भएका दुईजनाले दिइसकेका छन् । यो समाचार आजको नागरिक दैनिकमा छ ।