खेलाडीहरुलाई हरसम्भव सहयोग गर्छौ : मन्त्री यादव

न्यूज ब्यूरो, जनकपुरधाम । प्रदेश नं. २ का आर्थिक मामिला तथा योजनामन्त्री विजय कुमार यादवले खेलाडीहरुलाई हरेक तवरले सहयोग गर्ने बताउनुभएको छ ।

शुक्रबार धनुषाको धनुषाधाम नगरपालिका वडा नं. ९ मुर्गीया स्थित आजदेखि सुरु भएको फुटबल टुर्नामेन्ट प्रतियोगितालाई उदघाटन गर्दै मन्त्री यादवले प्रदेशका युवा खेलाडीहरु देशकै गौरवको रुपमा पनि स्थापित हुन सक्ने क्षमता बोकेको भन्नुहुँदै उनीहरुलाई हरेक प्रकारको सहयोग गर्ने बताउनुभयो । उहाँले प्रदेश सरकार खेल प्रवद्र्धन र खेलाडी सम्मानको लागि कदम चाल्ने प्रतिवद्धता जनाउनुभयो ।

लाफिङ्ग बुद्धि युवा क्लबका अध्यक्ष मंगलसिङ्ग पाख्रीनको अध्यक्षता तथा मन्त्री यादवकै प्रमुख अतिथ्यमा प्रारम्भ भएको फुटबल प्रतियोगितामा ८ वटा फुटबल टिम सहभागीता जनाएको छ । खेल फिफा नियम अनुसार खेलाईने जनाइएको छ । प्रत्यके दिन दिउँसो ३ः०० बजेदेखि सुरु हुने फुटबल खेलमा विजयी हुने प्रथम टिमलाई ३० हजार रुपैयाँ, दोस्रो लाई २० हजारको व्यवस्था गरिएको हो । यसका साथै खेलमा राम्रो प्रदर्शन गर्ने खेलाडीहरुलाई कप सहित नगदको समेत व्यवस्था गरिएको जनाइएको छ ।

उदघाटन कार्यक्रममा मन्त्री यादवलाई क्लबको तर्फबाट सम्मान समेत गरिएको हो । मन्त्री यादवलाई फूलमाला सहित मायाको चिनो प्रदान गर्दै सम्मान गरिएको हो । कार्यक्रममा समाजवादी जिल्ला अध्यक्ष पशुपति यादव , उपाध्यक्ष ज्ञानकुमार यादव , धनुषाधाम नगर अध्यक्ष बिनोद यादव, महिला नेत्री बन्दना कर्ण लगायत स्थानीय बुद्धिजीवी , नागरिक समाज, खेलाडी, युवाहरुको उपस्थिति रहेको थियो ।