जापानमा शक्तिशाली आँधी, नेपालीहरुको अवस्था कस्तो ?

न्यूज ब्यूरो, एजेन्सी । जापानमा आएको शक्तिशाली आँधीले अहिले त्यहाँको जनजीवन अस्तव्यस्त बनेको छ ।

यद्यपि, जापानस्थित नेपाली दूतावासले शक्तिशाली आँधीबाट कोही नेपाली हताहत नभएको जानकारी दिएको छ । टोकियोस्थित नेपाली दूतावासका डेपुटी चिफ अफ मिसनका प्रमुख कृष्णचन्द्र अर्यालले जापानको समयअनुसार शनिबार राति ११ बजेसम्म सबै नेपाली सुरक्षित रहेको जानकारी आएको बताए ।

जापानमा सन् १९५८ यताकै शक्तिशाली हगिबीस आँधीबाट आएको छ । जसबाट राजधानी टोकियो, नागान्यो, एमानासी, गुन्मा, सिजोओका, साइपामा, सानागावालगायतका क्षेत्र प्रभावित भएका छन् ।

दूतावासका अनुसार जापानमा करिब ९० हजार नेपाली रहेको छन् । २ सय १६ किलोमिटर प्रतिघन्टाको दरमा आँधीका आएको थिथयो । जसका कारण उद्योग, कलकारखाना र पसलहरू पनि बन्द छन् भने अधिकांश क्षेत्र जलमग्न भएको छ ।

आँधीका कारण कयौं व्यक्तिको मृत्यु भएको छ भने झन्डै ५१ लाख मानिसलाई सुरक्षित स्थानमा सारिएको छ ।