रौतहटमा प्रहरीको कडा चेकिंग, ठाउँठाउँमा 'डग टोली'

न्यूज ब्यूरो, रौतहट । चाडवाडलाई लक्षित गरी रौतहट प्रहरीले जिल्लामा सुरक्षाप्रति गम्भीरता अपनाएको छ ।

जिल्ला प्रहरी कार्यालय तथा जिल्ला ट्राफिक प्रहरी कार्यालय रौतहट गौरबाट खटिएको संयुक्त प्रहरी टोलीले विजय दशमीको उपलक्ष्यमा शान्ति सुरक्षालाई मध्यनजर गरी गौर नगरपालिका स्थित रहेको जिल्ला कारागार परिसर, भन्सार सुरक्षा गार्ड, मेनचोक, विपिचोक, बसपार्कको एरियामा तालिम प्राप्त कुकुर सहितको सघन चेकजाँच शुरू गरेको हो ।

रौतहट जिल्लाको शान्ति सुरक्षालाई मध्यनजर राखी भारतीय देशबाट भित्रीने हातहतियार, खरखजाना तथा लागु औषधलाई नियन्त्रण गर्नको निमित्त यो चेकजाँच शुरू गरिएको निरीक्षक नायकले बताए । अपराधी मनासाय बोकेका मानिसहरुले गर्ने अपराध, अपराधिक क्रियाकलाप ,तस्करी लाई निरुतसाहित गराउने लक्ष्य स्वरुप जिल्ला प्रहरी कार्यालय रौतहटले यो सुरक्षा व्यबस्था मिलाइएको नायकले बताए ।

यस्तो चेकजाँच अन्य दिनमा जिल्लाको अन्य ठाउमा समेत रहिरहने जनाइएको छ । प्रहरीले जिल्लामा कुनै शंकास्पद क्रियाकलाप देखिए ०५५५२०८४० मा सम्पर्क गर्न आह्वानसमेत गरेको छ ।