सिरहा आएर राजेन्द्र महतोले भने : 'संशोधन बिना संविधानको स्वागत गर्दैनौंं'

न्यूज ब्यूरो, सिरहा । राष्ट्रिय जनता पार्टी नेपालका अध्यक्ष मण्डलका सदस्य राजेन्द्र महतोले संविधान संशोधन हुनुपर्ने मुद्दामा आफूहरूको संघर्ष जारी रहेको स्पष्ट पारेका छन् ।

राजपा सिरहाका नेता रामबहादुर महतोको १३ औँ दिनको पूण्यतिथिमा आयोजित श्रद्धाञ्जलीसभामा नेता महतोले संविधानमा रहेका त्रुटि नसच्याएसम्म संविधानको स्वागत गर्न नसकिने बताए । उनले संविधान संशोधन भएमात्र स्वागत गरिने बताए ।

मधेशी जनताको हकअधिकार अझै सुनिश्चित भई नसकेको उनको धारणा थियो । श्रद्धाञ्जलिसभामा प्रदेश नं २ का सामाजिक विकासमन्त्री नवलकिशोर साह, प्रदेश वनमन्त्री रामनरेश राय, वन राज्यमन्त्री सुरेश मण्डल, जनकपुरधाम उपमहानगरपालिकाका मेयर लालकिशोर साह लगायतका सरिक थिए ।